Unu steddhu curri a pedi sculzi
innantu a iddhu s'asculta un istrana paura
ma nisciunu, la intendi chista paura
Un sintimentu cussì dulzi
Lu mattessi tempu, pienu di spiranza.
Curri zilchendi un pogu d'amori
Prega pà un sognu ch'esci da lu cori
In chistu poaru cori s'intendi una bozi
Ch'a saori di dulori
Cumpagnu,eu sogu di cosa hai bisognu.
Buziemmu insembi una prigaduria
Chi possia tuccà lu zelu
Da abbeddhu zilchemmu una pazi chi duria
Ma nisciunu intendi,nisciunu asculta.
Chista gherra è un bruttu malannu
Paldonami paldonami si nò m'arresci a cumprindì
Lagati andà e palti cun me tuttu lu dulori
Tuttu chissu chi ti po' dà lu cori.
E' calendi lu soli in chista zitai malandata
La notti dazi cussì tanta tristura
Canta gjienti bona sinnè andata
Pinsendi a tuttu chistu m'entra una tali frittura.
Dumani è un'alta dì
Mamma beddha no pignì
Abbri lu cori a fatta di dì
Piddha lu primma alenu di soli
E tenilu folti.
Deu ha pultatu la pazi
La gjienti no è più pignendi
La gjienti abà no è più suffrendi
Ma pà cantu ancora?
Ma abà mi eni in menti chiddhu steddhu currendi
In una tarra piena di sangu
Ma abà lu igu sugnendi
Deu libbarigghja lu ostru cantu
Lu distinu illi stelli
Deu ha ascultatu lu ostru piantu
Drommi abà e pensa a un altu tempu
la bozi no si po' filmà
no si po' sempri pignì
mai la spiranza s'ha di spignì.
Chistu è lu nostru tempu
Tempu di gherra e di dulori
Ma l'impultanti è chi z'ambaria l'amori.